Marco Instrumental Orientación Ilda_Mera

Resumo do 3º módulo: marco instrumental para a orientación

O curso ponte deste posgrao 2017 remata co bloque instrumental das tarefas e funcións a desempeñar, os recursos e técnicas empregados para a busca de emprego por conta propia e allea, así como os métodos a empregar polo persoal técnico que traballa na orientación laboral.

O módulo está dividido en 3 temas:

Tema 7: Análise de perfís profesionais e prospección de emprego

É esencial dispoñer dun amplo abano de información e recursos para facilitar un asesoramento adecuado segundo o tipo de persoa usuaria do noso servizo. A función do asesoramento é dar as ferramentas necesarias para que a persoa aprenda a identificar que información necesita e poida mobilizar os recursos e mecanismos adecuados para conseguila. Segundo o seu nivel de autonomía, o/a orientador/a pode facer un acompañamento na consecución desta fase de procura de información, ou simplemente titorizar o proceso e poñer en común os resultados obtidos:

Neste tema tratamos tamén na clase presencial as dinámicas grupais máis comúns (foro, debate, mesa redonda, panel, tormenta de ideas) para mellorar habilidades de observación, capacidadede síntese, etc. das persoas orientadas.

A nosa docente Mayte Deus presentou dúas dinámicas adaptadas, unha para mellorar a empregabilidade: “ A 1ª Impresión que causamos”, e o Modelo CANVAS como técnica para a busca de emprego xa que se poden analizar as fortalezas e logo realizar en base a eses datos un CV por Competencias. As Dinámicas Grupais son cada vez máis empregadas nos procesos de selección.

Clara Isabel León  achéganos o Storify da sesión, podes consultalo aquí

Por iso é esencial facer unha procura de información para coñecer os postos de traballo existentes, os potenciais xeradores de ocupación e as características principais que definen cada unha das ocupacións. Estes coñecementos sérvenlle á persoa para facerse unha idea sobre cales son as esixencias das empresas en relación a un determinado posto de traballo, para ver en que medida a persoa se axusta ao mesmo e en que medida o posto se adecúa ás súas necesidades e intereses.

Os pasos para guiar á persoa nunha procura de de información eficiente son os seguintes:

• Listar fontes onde buscar información, como por exemplo, Ofertas laborais, Certificados de profesionalidade, Fichas profesionais, Contactos profesionais, Visitas a colexios profesionais, Prácticas prelaborais en postos comúns ou novas ocupacións, … Servizo Vasco de Emprego (Lanbide) 
• Selección da información máis significativa e pertinente (descrición da ocupación, funcións e tarefas, espazos onde se realiza a ocupación, formación e certificados, idiomas e informática, competencias técnicas, profesionais e de base, tecnoloxías ou ferramentas utilizadas, outras ocupacións  relacionadas e as condicións laborais respecto á oferta salarial, tipos de xornada, contratación, condicións de traballo etc.
• Valorar os intereses e motivacións das persoas usuarias, xa que este tipo de valoracións facilitará a toma de decisións.
• Análise funcional e transferencia de competencias, de xeito que a persoa non só quede cos requisitos básicos da oferta, senón que profunde nas competencias laborais que ten que poñer en xogo no posto de traballo.

Rematamos este tema coa prospección empresarial como ferramenta básica que permite á/s entidade/s:

• Mellorar o coñecemento da realidade empresarial e das empresas, detectando necesidades e identificando boas prácticas, xa que contribúe a unha mellora da calidade e a competitividade.
• Estudar a incidencia e consecuencias, no emprego e a formación, de cambios tecnolóxicos, organizativos ou doutro tipo.
• Contribuír á toma de decisións en canto ás políticas activas de emprego e informar as empresas.

No caso das empresas, a prospección achega:

• Coñecemento dos recursos humanos dispoñibles e de todas aquelas medidas de apoio ao desenvolvemento e promoción empresarial.
• Detección das necesidades cuantitativas e cualitativas de novos postos de traballo, de reconversión ou adaptación e doutras relacionadas coa xestión empresarial.
• Determinación das actividades e tarefas a desenvolver dentro de cada posto, descrición e identificación de postos de traballo
• Identificación de perfís profesionais baseados nas competencias esixibles.

Para esta parte do tema tivemos que elaborar e presentar un traballo grupal de prospección.

Tema 8: Técnicas e ferramentas para o acceso ao emprego e a autoemprego.

Unha vez que a persoa xa ten o seu obxectivo laboral definido, o obxectivo principal das técnicas e ferramentas de acceso ao emprego é que coñeza os instrumentos e adquira as habilidades necesarias que lle posibiliten realizar unha procura de emprego de forma activa, organizada e planificada, así como dispoñer dos recursos básicos para afrontar os procesos de selección con maiores posibilidades de éxito.

Existen diferentes metodoloxías e accións para difundir estas técnicas e ferramentas, en función dos programas e os servizos que os executan. Poden ser tratadas de forma individual ou grupal.

Para alcanzar o obxectivo é imprescindible coñecer as distintas fases dos procesos de selección dende a perspectiva da persoa candidata e da empresa, como podemos ver no seguinte fluxograma:

As canles polas que circulan as ofertas de traballo poden ser moi variadas e deben ser coñecidas e empregadas en función do perfil profesional das persoas: Bolsas de traballo, portais de emprego, prensa, convocatorias, intermediación, autocandidatura, networking. Por iso é importante dispoñer dun resumo.

A ferramenta fundamental na procura de emprego é o CV que consta de apartados comúns(datos persoais, experiencia, idiomas, informática) e apartados opcionais (obxectivo laboral, competencias, referencias, logros, publicacións, etc.). que debe seguir a estratexia de márqueting persoal AIDA.

Hay diversos modelos pero cada persoa debe crear a súa propia ferramenta: que podes consultar aquí.

Hai tipos de currículos que se están a utilizar dentro da estratexia do márqueting persoal pero noutros casos pódese implantar para dar resposta a unha nova necesidade como son o currículo cego como iniciativa gubernamental para evitar a discriminación  ou ben o Currículo Europass: Para aquelas persoas que queiran ampliar posibilidades e buscar ofertas no Espazo Económico Europeo, existe o formato Europass, cuxa utilización se estableceu na Decisión número 2241/2001/CE do Parlamento Europeo e do Consello do 15 de decembro de 2004, relativa a un marco comunitario único para a transparencia das cualificacións e competencias.

Outras ferramentas máis innovadoras son:

O currículo creativo, Ferramentas con soporte 2.0 ou o videocurrículo.

Outras ferramentas nos procesos de selección son as cartas de presentación, de seguimento e de agradecemento.

A entrevista, que pode adoptar diferentes formas e tipoloxías, é unha ferramenta decisiva nos procesos de selección: entrevista curricular ou entrevista por competencias.

Os diferentes tipos de probas de selección pretenden avaliar coñecementos ou competencias e poden ser orais, escritas, online, individuais, colectivas, profesionais, de cultura xeral, motivacionais, test de personalidade,  análises grafolóxicos, assestment center, dinámicas de grupos e a xestión de contactos...

Remata o tema cos recursos para o autoemprego mencionando o asesoramento a través do IGAPE, asesoría virtual de Cooperativas, asesoría virtual de sociedades laborais, a rede eusumo ou a oficina do empregador.

Tema 9: A Elaboración do Plan de Empresa.

A función do persoal orientador de asesorar a persoas emprendedoras que queren acceder ao mercado mediante o autoemprego e a creación dunha empresa é cada vez máis frecuente.

Un Plan de Empresa é un documento onde a persoa emprendedora consegue darlle forma á idea ou concepto inicial co que vai pór en marcha a súa propia empresa; onde reflexiona e plasma as cuestións máis importantes e significativas da posta en marcha e funcionamento do seu proxecto de nova empresa. De gran utilidade, supón un esforzo, moito tempo e dedicación debendo ser considrado o 1º investimento do que se vai obter grande rendibilidade; e un traballo moi persoal e, polo tanto, con moitas e variadas formas de elaborarse e presentarse.

O desenvolvemento deste tema foi eminentemente práctico; en base á elaboración do plan de empresa abreviado da Escuela de Buceo MASTERSUB GOLFO ÁRTABRO, CTA, elaboramos e presentamos o noso propio plan de empresa abreviado.

A política de prezos é un punto clave para o éxito do negocio: 

Valoración persoal do módulo 3.

A miña valoración do 3º módulo é positiva xa que o seu desenvolvemento foi eminentemente práctico e achegounos novidades respecto ás ferramentas a empregar na orientación laboral, como por exemplo os novos enfoques no deseño do CV, as estratexias de coñecemento do mercado a través da prospección ou as técnicas grupais nos procesos de selección. Para poder realizar as funcións que cada vez se nos piden en maior medida, como o asesoramento para o fomento do emprendemento, é necesario revisar as ferramentas clásicas e adoptar tamén novos métodos, como o método CANVAS ou ampliar coñecementos acerca da fiscalidade, mercadotecnia ou política de prezos.

Para saber máis:

Informaciónsobre as profesións e a súa relación co mundo laboral e formativo

Fichasdo mercado laboral galego 2017. Instituto Galego dasCualificacións
Catálogo Nacional das Cualificacións Profesionais (CNCP)

Descárgategratis cinco planes de empresa elaborados con la colaboración deexpertos en creación de empresas de distintos puntos de España

RESUMO PRIMEIRO MÓDULO #CPOLAB17

Calquera tipo de mercado estrutúrase sempre pola converxencia de dous feitos: a oferta e a demanda.

Tema 1. "Actualización do mercado laboral"

Para a abordaxe deste tema é importante ter en conta:

1. Elementos do mercado de traballo (oferta - demanda), o seu equilibrio e as causas e efectos do paro 
2. Indicadores do mercado (EPA) 
3. Tipos de desemprego, normativa laboral, xacementos de emprego e perfiís profesionais 
4. Instrumentos que estudan o mercado de traballo (Observatorio Ocupacional SEPE, Observatorio Ocupacional SPEG, Observatorio Europeo do Emprego (OEE), Prospección do mercado de traballo 
5. Posibilidades de emprego: autoemprego, emprego conta allea (AAPP, empresa privada (clasificación das empresas segundo o seu tamaño, actividade, forma xurídica) 
6. Axudas e subvencións 

O equilibrio no mercado de traballo vén determinado polo punto de cruzamento da curva da oferta e da demanda.

Dúas das principais escolas de pensamento económico, a escola clásica e a escola keynesiana, discrepan sobre cal é a situación na que se atopa habitualmente este mercado:

Segundo a escola clásica o mercado de traballo está sempre en situación de pleno emprego. Isto débese a que os salarios son sensibles á baixa: se hai desemprego os salarios tenden a baixar (os parados estarán dispostos a traballar por menos diñeiro). Esta diminución dos soldos leva ás empresas a contratar máis man de obra, facendo que o paro desapareza.

Segundo os keynesianos, o mercado de traballo non está sempre en situación de pleno emprego, senón que pode existir paro. Isto explícase porque os salarios a curto prazo son ríxidos á baixa: aínda que haxa desemprego os sindicatos non van aceptar unha baixada de soldos o que impedirá que aumente a demanda de traballo.

O punto de equilibrio no mercado de traballo determinará o número de persoas que van participar no proceso produtivo.

Tema 2.- "A iniciativa emprendedora como forma de acceso ao mercado laboral"

A transformación lograda nos países máis emprendedores e o éxito no fomento da creación de empresas baseouse en lograr que se concibise o emprendemento como unha disciplina metodolóxica e como un valor cultural da sociedade. O resultado foi a aparición dunha xeración de novas persoas emprendedoras que transformou a estrutura económica e social o seu país.

Os aspectos a ter en conta son:

1. Beneficios sociais do emprendemento 
2. Emprendemento social 
3. Proceso de creación de empresas (modelo CANVAS, plan de empresa) 
4. Orientación e asesoramento aos emprendedores 

O modelo CANVAS é unha ferramenta moi práctica e intuitiva para valorar la creación dunha empresa, que permite elaborar o modelo de negocio e validar as posibilidades de éxito da mesma.

É importante elaborar un plan de empresa para darlle forma a unha idea, planificar a estratexia e coñecer a viabilidade do proxecto na creación da empresa.

Tema 3.- "Actualización do marco de referencia da orientación laboral aberta"

A orientación laboral lévase a cabo desde:

1. Diferentes AAPP e órganos con competencia en materia de emprego: SEPE, SPEG
2. Diferentes plans de emprego en España
3. Diferentes plans de emprego en Europa

As competencias de emprego repártense da seguinte forma: 

• Lexislación laboral, bases e planificación xeral da actividade económica: EXCLUSIVA DO ESTADO. 
• Políticas Pasivas de Emprego (todo o referente ás prestacións e subsidios por desemprego…): EXCLUSIVA DO ESTADO. 
• O desenvolvemento e execución das Políticas Activas de Emprego: COMPETENCIA TRANSFERIDA A GALICIA DESDE O ANO 1997. 

O SEPE, xunto cos Servizos Públicos de Emprego das Comunidades Autónomas, forman o Sistema Nacional de Emprego. Desde esta estrutura estatal se promoven, deseñan e desenvolven medidas e accións para o emprego, cuxa execución é descentralizada, axustada ás diferentes realidades territoriais.

Este novo enfoque estratéxico da política de emprego precísase porque “ha de procurarse un mellor encaixe entre a competencia normativa das políticas activas de emprego, que corresponde ao Estado, coa da súa execución, que corresponde ás Comunidades Autónomas, preservando, ao mesmo tempo, a unidade na atención das persoas en situación de desemprego”. 

Así mesmo, configúrase como o marco normativo para a coordinación e execución das políticas activas de emprego no conxunto do Estado; conceptualmente, constitúe o marco para a determinación de obxectivos comúns e a consecución dun conxunto de medios orientados cara á eficacia e a eficiencia das políticas a favor do emprego. 

A mellora da vertebración e a eficiencia da política de emprego e de funcionamento do Sistema Nacional de Emprego require dous instrumentos concretos previstos no marco legal: Un Catálogo de servizos comúns e unha estratexia compartida, que marque os obxectivos a conseguir. Dita estratexia queda denominada na nova lexislación como Estratexia Española de Emprego.

A Estratexia Europea de Emprego (EEE) constitúe un programa anual de planificación, seguimento, exame e axuste das políticas dos Estados membros con obxecto de coordinar os instrumentos que estes utilizan para combater o desemprego. A Estratexia articúlase ao redor dos instrumentos: 

• Directrices de emprego: prioridades comúns que establece a Comisión para as políticas de emprego dos Estados membros;
• Plans nacionais de acción para o emprego (PNA): aplicación nacional das orientacións comúns; 
• Informe conxunto sobre o emprego: síntese dos plans nacionais de acción, que serve de base para a elaboración das directrices do ano seguinte; 
• Recomendacións: adopción no Consello, por maioría cualificada; 
• Recomendacións específicas para cada país.

Para saber máis:

Observatorio de las Ocupaciones del SEPE
Observatorio Europeo de las Políticas de Empleo
Estrategia Europea de Empleo

RESUMO MÓDULO I #CPOLAB17 MARCO CONCEPTUAL

Achégovos un resumo do módulo I correspondente ao Postgrao de Especialización en Orientación Laboral . Este primeiro módulo subdivídese en tres temas : Actualización do mercado laboral , Iniciativa emprendedora como forma de acceso ao mercado laboral e; por último, Actualización do mercado de referencia da Orientación laboral .

ACTUALIZACIÓN DO MERCADO LABORAL 

No tema realizamos un repaso da teoría clásica da oferta e demanda de traballo e das distintas solucións que o modelo keynesianos e o modelo clásico ofrecen ante a situación de desemprego e o funcionamento do mercado laboral. El blog Salmón .

Inevitablemente temos que falar de datos e conceptos tan coñecidos como poboación activa , parada , taxa de actividade , taxa de paro ou taxa de emprego. Datos que a EPA incorpora no tratamento dos datos ofrecidos nos coñecidos informes que utilizamos na nosa dinámica laboral e na prospección do mercado de traballo. Podes consultar esta información para ampliar EPA

Debemos coñecer tamén o comportamento das ocupacións : novos xacementos de emprego , perfiles profesionais da oferta de emprego e a clasificación nacional das ocupacions (CNO) .

Existen varios instrumentos e ferramentas como o Observatorio Ocupacional do SEPE, o ObservatorioEuropeo de Emprego (OEE) ou o Observatorio Galego por exemplo que nos facilitarán ese coñecemento das tendencias laborais, podes consultar nesta ligazon do  Instituto das cualificacións.

Existe a opción de traballar por conta propia ou por conta allea , dentro de esta última podemos facelo nunha empresa privada, pública ou nunha administración .

INICIATIVA EMPRENDEDORA COMO FORMA DE ACCESO

Tras unha análise global das taxas de emprendemento en varios paises e as motivacións para emprender baseadas entre outras fontes no informe GEM máis recente , é necesario falar das dificultades coas que se atopan os emprendedores ( ou empresarios ) á hora de implementar unha idea de negocio. Exceso de trámites, escaso financiamento, materias no sector educativo que fomente o espírito emprendedor, formación específica.. son algúns dos que falamos. Pero tamén da evolución dese espírito emprendedor tanto en Europa como a nivel nacional e da comunidade autónoma, constatando un certo atraso acumulado fronte a Europa que parece que repunta lentamente.

Factores de desmotivación para emprender están ligados a estos aspectos que sinalamos ( falta de ideas, barreiras mentais , financiamento...) pero os beneficios sociais da creación de empresas e o emprendemento social foron suliñados na Cumbre de Lisboa marcando o camiño dunha creación de emprego ligado moi de preto ao benestar social.

Trátase dun novo modelo distinto ao capitalismo donde prima a persoa e non tanto o capital, incide na calidade do emprego e na igualdade de oportunidades , favorecendo a cohesión social pero tamén a territorial ( fixa población na zona rural por exemplo ).

Os elemenentos esenciais de creación de empresas son a Idea (Que? ) , a persoa ( Quen? Por que? ) e o plan de empresa (Como?) .

Traballamos o modelo CANVAS , ferramenta proposta por Alexander Osterwalder no ano 2011 e como resultado elaboramos un lenzo con unha idea orixinal en grupo. E iniciamos a elaboración do Plan de Empresa , ferramenta indispensable de comunicación interna pero tamén externa da empresa. Trátase dun documento onde o emprendedor dálle forma á súa idea, reflexiona e plasma as cuestións máis importantes e significativas . Pese a existir tantos modelos de empresas como empresas mesmo, o contido do plan de empresa debe conter : Introducción , Estudo de Mercado, Plan Comercial, Plan de Organización e Recursos Humanos, Aspectos Legais , Estudo de Viabilidade, Conclusión e Resumo executivo ( este último solicitado frecuentemente para o acceso ás subvencións).

Quedaba falar do papel do orientador en todo este proceso de emprendemento, que pasa por respectar a idea e proxecto da persoa emprendedora , facilitar , aclarar , compromisos para a posta en marcha , recoñecemento da honestidade e alcance do traballo , entre outras ...) e que se produce nas distintas fases da elaboración ( Xestación da idea, Análise, Posta e Marcha e Consolidación ).

ACTUALIZACIÓN DO MARCO DE REFERENCIA NA ORIENTACIÓN 

O tema estructurase en tres grandes bloques : Sistema Nacional de Emprego ( SNE) , Marco actual da política de emprego en España e finalmente, política de emprego en Europa.

En canto ao Sistema Nacional de Emprego (SNE) , destacar a súa composición ; o Servizo Público de EmpregoEstatal (SEPE), os Servizos Públicos de emprego das comunidades autónomas (SPEG) e dous órganos do SNE : Conferencia Sectorial de Asuntos Laborais ( colaboración, coordinación e cooperación entre o Estado e as comunidades autónomas ; destacando a elaboración dos Plans Nacionais ) e o Consello Xeral do SNE ( órgano consultivo de participación institucional).

Políticas activas e Políticas Pasivas

No marco das políticas de emprego é importante diferenciar entre políticas activas e pasivas de emprego ; as primeiras teñen como obxetivo programas e medidas para mellorar o acceso das persoas no mercado laboral , o mantemento do emprego e promoción profesional , as segundas teñen como obxetivo a protección por desemprego no periodo en que a persoa traballadora , con capacidade para traballar e con intención de facelo non logra atopar un posto.

Marco institucional das políticas activas en España

A competencia lexislativa en materia laboral corresponde ao Estado , conforme ao sinalado na Constitución art 149, sen perxuizo da execución polas comunidades autónomas.

Froito da regulación deste marco de competencias nace a Lei 56/2003, de Empleo e a definición do concepto integral de políticas de emprego : “ conxunto de decisións adoptadas polo Estado e as comunidades autónomas , que teñen como finalidade o desenvolvemento de programas e medidas tendentes á consecución do pleno emprego, así como a calidade do emprego , a adecuación cuantitativa e cualitativa da oferta e a demanda e á reducción e debida protección por desemprego “

Como instrumentos de coordinación do SNE destacaremos os plans anuais de política de emprego     (instrumento de coordinación que contén servizos e programas de políticas activas que se propoñen levar a cabo as CC.AA) , a estratexia de activación para o emprego (configúrase como o primeiro instrumento de coordinación , marco normativo plurianual para a coordinación e execución das políticas de emprego no conxunto do estado. Ten a finalidade de incrementar a eficacia na utilización dos fondos e a correspondente a 2017-2020 está en proceso de elaboración . Establecerá o marco dos sucesivos PAPE e elaborase dentro do marco do diálogo social e o Plan anual de Reformas (da conta do grado de cumprimento dos compromisos asumidos por España no marco do Semestre Europeo, en particular das recomendacións do Consello a España . Conten numerosas medidas entre as que se encontra o respaldo da iniciativa emprendedora e desenvolvemento empresarial).

Consulta este video para  telo máis claro ¡

Política de Emprego en Europa

A estratexia europea de emprego , articulada ao redor de catro instrumentos , trata de planificar , facer o seguemento e o axuste dos Estados Membros para coordinar os instrumentos utilizados para combater o desemprego :

1) Directrices de emprego

2) Plans Nacionais de acción para o emprego

3) Informe conxunto sobre o emprego , síntese dos plans dos estados.

4) Recomendacións do Consello por maioría cualificada

5) Recomendacións específicas para cada país.

Prioridades e obxetivos 2020

A Extratexia Europa 2020 pretende un revulsivo á crise e baséase en 3 alicences : crecemento intelixente ( ligado ao coñecemento e innovación ) , crecemento sustentable ( eficaz cos recusos – verde – competitiva) e crecemento integrador ( cohesión social e territorial) .

Dentro das prioridades , áreas e obxetivos contemplados destácanse ...

- 75% poboación de entre 20 e 64 debería estar empregada.

- O 3% PIB investido en I+D

- Obxetivo 20/20/20 en materia de clima e enerxía, e reducción das emisión ao 30%.

- Abandono escolar inferior ao 10% e o 40% dos mozos con estudos superiores completos.

- Risco de pobreza debería amenazar a 20 millóns de persoas menos.

Para saber máis...

Regulamento (CE) número 1784/1999 do Parlamento Europeo e do Consello, de 12 e xullo de 1999
Plan anual de políticas de empleo 2016
Estrategia Española de Activación

MERCADO DE TRABALLO E INICIATIVA EMPRENDEDORA CPOLAB17

1. O MERCADO DE TRABALLO – CONCEPTOS BÁSICOS

É o ámbito no que empresas e traballadores negocian a cantidade de traballo a intercambiar e a que prezo (salario). Nel colisionan dúas forzas: a oferta e a demanda de traballo.

O traballo é un factor de produción.

O emprego é o posto de traballo no que se “emprega” o traballo.

O EQUILIBRIO DO MERCADO - CAUSAS DO PARO

CLÁSICOS: Traballo ofertado (TO) – Traballo demandando (TD) = PARADOS

Solución: eliminar todo o que poida supoñer unha rixidez

KEYNESIANOS: Traballo ofertado (TO) – Traballo demandando (TD) = PARADOS

Solución: aumentar a demanda de traballo (DT) mediante aumento na demanda agregada

EFECTOS DO PARO

1. Sobre as persoas paradas

• Merma de ingresos (con subsidio) ou pobreza (sen subsidio)

• Perda de cualificación laboral

• Baixa autoestima e degradación persoal

2. Sobre as persoas ocupadas

• Parte do seu traballo non lles é remunerado

3. Sobre o conxunto da economía

• Perda de capacidade produtiva (ineficiencia)

• Mala distribución da renda

• Escasa demanda interna

• Menor benestar

2. INDICADORES DO MERCADO DE TRABALLO - EPA

• Poboación en idade de traballar. 

• Poboación activa. 

• Poboación ocupada. 

• Poboación ocupada a tempo completo. 

• Poboación ocupada a tempo parcial. 

• Poboación parada. 

Podemos acceder ao resumo dos datos provinciais da EPA nesta ligazón

3. O CONTEXTO DA DINÁMICA EMPRENDEDORA (Informes GEM)

É importante resaltar que o Informe GEM 2016 sobre emprendemento e creación de empresas (Global Entreprenurship Monitor) reflicte unha nova caida da actividade emprendedora en España e que, no caso de Galicia, o dato da Taxa de Actividade Emprendedora do 2015 mostra un notable crecemento respecto ao ano anterior ao pasar do 3,92% do 2014 ao 5,51% no 2015. Isto parece situarnos no fin da etapa de decrecemento. Aínda así atopámonos por debaixo da taxa de emprendemento da media europea, xa que esta chegou ao 7,8% no ano 2015. TEA ( TAXA DE ACTIVIDADE EMPRENDEDORA)

Con anterioridade ao estoupido da crise, no ano 2007, a actividade emprendedora estaba en pleno auxe, destacando que tanto nese ano como no seguinte as taxas galegas superaron ás españolas. Trala crise de 2008, produciuse un retroceso moi rechamante que tocou fondo no ano 2010.

No entanto, debido ás enormes dificultades para atopar emprego por conta allea, no ano 2011 púidose observar un aumento na Taxa de Actividade Emprendedora galega e española, chegando ao 4,74% en Galicia e, ao 5,81% en España.

Esta evolución pódese apreciar no gráfico que nos presentou hoxe o profesor Fernando Agulló:

As empresas que naceron fixérono por necesidade, dada a falta de emprego por conta allea, con baixos estándares de calidade, sen responder realmente a unha oportunidade de negocio, o que condiciona a súa baixa supervivencia no mercado. Para evitar esa tendencia, as persoas expertas fan as seguintes recomendacións:

• A necesidade de mellorar de maneira urxente a falta de acceso ao financiamento.

• A redución de trámites para crear unha empresa.

• A implantación de materias que fomenten o espírito emprendedor na etapa escolar.

• Unha formación específica que proporcione mecanismos para o recoñecemento das oportunidades.

Ademais no noso modelo produtivo a tendencia na actividade emprendedora non se mantén no tempo polo chamado “efecto esponxa” do seu mercado de traballo, ao absorber emprego en fases de auxe e destruílo en momentos de crise.

Todo o anterior lévanos á seguinte conclusión:

Necesítase un cambio de modelo produtivo, outra estrutura empresarial que conforme un novo tecido de empresas tecnolóxicas, exportadoras… con demandas de traballo de maior cualificación e menos sensibles ás flutuacións do mercado. O autoemprego e a creación de empresas son fundamentais para lograr ese novo modelo produtivo. 

4. TRABALLO DE SIMULACIÓN . DEFINICIÓN DO MODELO DE NEGOCIO    

QUE É O MODELO CANVAS?

O #modelocanvas permite, a partir da idea, confeccionar modelos propios de desenvolvemento do negocio e validar as súas posibilidades de éxito. O obxectivo é validar a idea e convertela nunha oportunidade para crear unha empresa. Estes catro bloques ou áreas se descompoñen en nove módulos, sobre os que a persoa emprendedora se deberá formular preguntas e encontrar respostas.

COMO SE ELABORA O MODELO DE NEGOCIO?

O modelo confecciónase nun diagrama denominado lenzo CANVAS no que se trata de responder a catro preguntas básicas do deseño de empresa que se vai desenvolver: como?, que?, quen? E canto? que se corresponden coas catro áreas que constitúen o armazón do proxecto: infraestrutura (como), oferta (que), clientes (quen) e finanzas (canto). 

Modelo Canvas

COMO SE PRESENTA O MODELO DE NEGOCIO?

Nun lenzo que conteña as respostas que, en cada un dos módulos, a modo de exemplo...

1. CLIENTES : 

Para quen estamos creando valor? Quen son os nosos clientes?

Segmentos de mercado:

• Atributos de valor polos que están dispostos a pagar

• Orientación a todo o mercado ou a algún segmento.

2. PROPOSTA DE VALOR: 

Que valor entregamos ao cliente? Que problema lle solucionamos?

Que necesidade cubrimos? Beneficios que lle achegamos (por segmentos)

Atributos que crean valor: novidade, calidade, deseño, marca, personalización, prezo, facilitar consumo ou aplicación...

3. CANLES:

Canles para contactar cos cliente? 

Son as que eles prefiren? 

Funcionan xa esas canles e o fan eficientemente?

Como comunicar con cada segmento e entregarlles a proposta de valor (publicitarse e distribuír)?

As súas funcións: axudar a apreciar os atributos de valor e a avaliar a proposta

4. RELACIÓN CON CLIENTES: 

Que relación queremos establecer e manter cos cliente?

Será difícil lograla?

Estará en consonancia e se poderá integrar no deseño empresarial?

Tipos de relacións posibles: personalizada, autoservizo, automatizada , estandarizada (gravacións), comunitarias («comunities»), fidelizada...

5. FONTES DE INGRESOS:

Por que atributos de valor estarán dispostos a pagar?

Xa están pagando por iso?

Como pagan e como prefiren pagar?

Ingresos (%) por liña?

Ingresos recorrentes , dunha soa vez, con adiamento no pago, con prezos fixos ou non...

O sistema de fixación do prezo é determinante: por unidade, por uso, por subscrición (matrícula ou entrada)...

6. RECURSOS CLAVE:

Que recursos require a proposta de valor?

Que recursos require a utilización das canles? 

E a relación cos clientes? 

E as fontes de ingresos? 

Investimentos que require o deseño de empresa (modelo de negocio) 

As persoas que se necesitan e as súas capacidades para lograr a proposta de valor. 

Recursos financeiros requiridos...

7. ACTIVIDADES CLAVE:

Que actividades require a proposta de valor?

Que actividades require a utilización das canles? 

E a relación cos clientes? 

Actividades a realizar para manter o deseño de empresa (modelo de negocio): producir/prestar servizos, atender ao cliente, solucionar os seus problemas para lograr a súa satisfacción.

8. ALIADOS CLAVE:

Quen son os nosos socios ou aliados? 

Quen son os nosos principais provedores e acredores?

Que nos subministran? 

Subministran algo esencial para manter o modelo de negocio?

O que subministran é difícil que o poidamos substituír ou externalizar?

9. ESTRUTURA DE CUSTES:

Cales son os conceptos de custes máis importantes das subministracións para o modelo de negocio? 

Os recursos clave que custe supoñen? 

E as actividades clave? 

Describe os custes das actividades principais, das canles, etc., precisos para desenvolver o modelo de negocio. 

Custes fixos (ineludibles) e variables (aumentan coa produción).

Ao longo da sesión desarróllase unha idea de negocio propia ( en grupos de tres), en base ao modelo canvas , co exemplo dun caso práctico "Escola de mergulladores Mastersub Golfo Ártabro, S Coop L (CTA)". 

A compañeira Marta Méndez Leiva realizou un Storify , recomendamos que o consultedes STORIFY

O resultado aplicado á nosa proposta é o seguinte , esperamos que vos guste!

   

Ver enlace : Libro - Modelo de Negocio

Ver video:

       

Enlaces complementarios:   

Igape

SEPE

CEG- RECURSOS EMPRENDEDORES